Ахæм хæс Дыгуры районы разамынды раз сæвæрдта республикæйы хицауады сæрдар Тускъаты Таймураз.
Адæмы цард фæхуыздæр кæнын, æмæ сын се ргом хъæууонхæдзарадон паддзахадон программæты архайынмæ здахын.
Ахæм хæс Дыгуры районы разамынды раз сæвæрдта республикæйы хицауады сæрдар Тускъаты Таймураз. Дигорамæ кусæг балцы рæстæг аныхас кодта муниципалитетты минæвæрттимæ æмæ администрациты кусджытимæ. Районы сæргълæууæг æмæ министртæ радзырдтой, фарон цы куыст бакодтой, уый тыххæй, стæй æрныхас кодтой Дыгуры районы социалон-экономикон рæзтыл. Ныхас цыд ахуырады æмæ культурæйы хæрзхъæддзинад фæхуыздæр кæныныл. Фарон скъолаты цалцæгæн районы бюджетæй радих кодтой 5 милуан сомæй фылдæр. Нысан кæнынц культурæйы хæдзар саразын. Ныридæгæн ма Дигорайы сывæллæтты рæвдауæндоны арæзтадæн радих кодтой зæххы хай. Æмбырды ныхас кодтой амалхъомдзинадæн баххуыс кæныныл дæр. Тускъаты Таймураз куыд загъта, афтæмæй йæ зæрдæ дары районы хицауад аграрон секторимæ æнгомдæр кæй кусдзæн, ууыл. Премьер ма стыр аргъ скодта Дыгуры районы промышленнон хъомысæн дæр. Куыд загъта, афтæмæй иумæйаг хъарутæй ис фыццаг рæнхъытæм рацæуæн, æмæ адæмы царды æмвæзад фæхуыздæр кæнын.
