Уæрæсейы уыцы бон фæбæрæг кæнынц алы аз дæр Цыппурсы мæйы 3-æм бон
Æбæрæг салдаты бонимæ баст Лæгдзинады урок арæзт æрцыд Дзæуджыхъæуы 17-æм скъолайы. Уæрæсейы уыцы бон фæбæрæг кæнынц алы аз дæр Цыппурсы мæйы 3-æм бон. Афтæмæй равдисынц, Фыдыбæстæ хъахъхъæнджыты æнæмæлгæ хъæбатырдзинадæн цы кад кæнынц, уый. Уæлдайдæр та, сæ нæмттæ базонын кæмæн нæ бантыст, уыдонæн. Парти «Иугонд Уæрæсе»-йы Æрыгон гвардийы волонтертæ 6-æм æмæ 7-æм кълæсты ахуырдзаутæн радзырдтой Фыдыбæстæйы Стыр хæсты зындгонддæр цауты тыххæй. Бацæттæ ма кодтой, æбæрæгæй чи фесæфт, уыцы салдæтты тыххæй презентацитæ. Ахсджиаг уыд базонын æмæ фенын, нæ республикæйы территорийы карз тохты чи фæмард, уыдоны тыххæй хабæрттæ æмæ артефакттæ. Мадзалы архайджытæн фадат уыд сæрмагонд викторинæйы «Правда или миф»-ы сæ зонындзинæдтæ раргом кæнынæн. Æппæт фæрстытæ баст уыдысты Фыдыбæстæйы Стыр хæстимæ.
