05 октября 2022, 11:19
Æфсадмæ сидыны фæззыгон кампани райдайдзæн 1-æм ноябры
Æрвылазон фæткмæ гæсгæ фæззыгон æрсидт райдайдзæн мæй фæстæдæр
Æфсадмæ сидыны фæззыгон кампани райдайдзæн 1-æм ноябры. Уый тыххæй Указ бафыста Уæрæсейы Президент. Æрвылазон фæткмæ гæсгæ фæззыгон æрсидт райдайдзæн мæй фæстæдæр. Нæ бæстæйы президенты пресс-секретарь куыд фехъусын кодта, афтæмæй ахæм уынаффæ хаст æрцыд, мобилизаци кæй цæуы, уымæ гæсгæ. Æмæ цæмæй æфсæддон комиссарадтыл æгæр стыр уаргъ ма уа, уый тыххæй ацы куыст раивтой 1-æм ноябрьмæ. Уый фадат ратдзæн сæ архайд фæрогдæр кæнынæн. Цæгатирыстойнаг сиддонтæ æрвыст æрцæудзысты Уæрæсейы Гæрзифтонг тыхты æппæт æфсæдтæм æмæ хæйттæм. Чи ныффидар, уыцы традицимæ гæсгæ, æппæтæй фылдæр сиддон фæсивæд баххæст кæндзысты фистæгæфсæддонты æмæ денджызон флоты рæнхъытæ.