филиал вгтрк государственная телерадиовещательная компания “Алания”

Æфсадмæ уалдзыгон æрсидтмæ гæсгæ, 600 цæгатирыстойнаг лæппуæйы ацыдысты æфсæддон службæмæ. Нæ зылды штабы хæслæвæрд республикæ сæххæст кодта æххæстæй. Гæрзифтонг тыхты фæткмæ гæсгæ, сиддонтæ службæ кæндзысты Уæрæсейы ныгуылæнæй – скæсæйнаг арæнты онг. Æфсæддон хæйтты æрыгон лæппутæ базонгæ уыдзысты хæстон техникæйы бындуртимæ, æмæ райсдзысты æфсæддон дæсныйад. Ахуыры фæстæ сæ арвитдзысты æфсæддон хæйттæм. Службæ кæндзысты нæ бæстæйы алы рæтты. Æфсæддон комиссарады куыд загътой, афтæмæй сæрмагонд æфсæддон операцийы зонæмæ лæппутæ æрвыст нæ цыдысты. Службæ нæ кæнынц Уæрæсейы ног регионты: Донецкы æмæ Луганскы Адæмон республикæты, стæй Запороьейы æмæ Херсоны облæстты дæр.