Уый хуымæтæг постановкæ нæ уыд, фæлæ горæты мысæн мадзал. Уыимæ истори ахуыргæндтæ нæ дзурынц
Æфсæддон намысы бонты Мæздæджы адæмон драмон театр бацæттæ кодта спектакль «Спаси и сохрани»-йы премьерæ. Уый хуымæтæг постановкæ нæ уыд, фæлæ горæты мысæн мадзал. Уыимæ истори ахуыргæндтæ нæ дзурынц. Дзурынц æй мæздæггæгтæ сæхæдæг. 20 азы размæ театры аивадон разамонæг Татьяна Сураева йе ргом аздæхта уникалон æрмæгмæ – удæгас мысинæгтæм. Лæмбынæг сæ æмбырд кодта журналист, бæстæзонæг-энтузиаст Ольга Синицина. Адæмон театры актертæ спектакль сæвæрдтой Фыдыбæстæйы Стыр хæсты Уæлахизы 60 азы бонмæ. Премьерон равдысты историтæ ацы хатт сценæйы равдыстой актерты ног фæлтæр. Уый фæдыл сын раарфæ кодта Цæгат æмæ Хуссар Ирыстоны адæмон артист, нæ республикæйы театралон архайджыты Цæдисы уæнг Дауыраты Эдуард. Кадджын уазæг Мæздæджы адæмон драмон театрæн радта, 10-æм æппæтадæмон фестиваль «Театралон уалдзæджы» уæлахиздзауы диплом.
