Арæзт æрцыдысты ахуырадон центры бындурыл
Æфсæддон пъæлицæйæн Цæгат Ирыстоны уыди сæрмагонд æмбырдтæ. Арæзт æрцыдысты ахуырадон центры бындурыл. Ахуыртæ ацыдысты гæрзифтонг тыхты гарнизонты æфсæддон комендатурæты службæйы хайæдты хицæутты хсæн. Хуссар æфсæддон зылды пресс-службæ куыд хъусын кæны, афтæмæй æмбырдты архайдтой 105 адæймаджы. Тренировкæтæ кодтой сæ куысты алы фæзилæнæй дæр. Зæгъæм, закъонхалджытæ æмæ фыдгæнджытæ уромыны хъуыддагæй, кæй æрцахстой, уый йæхи тызмæгæй куы æвдиса, уæд йемæ куыд архайын хъæуы, стæй æндæр практикон мадзæлттæй. Æфсæддон пъæлицæйæгтæ сæрмагонд фæрæзтæй æхстой æрхъуыдыгонд террористтæ кæм æмбæхстой сæхи, уыцы рæттæ. Ахуырты фæстæ гарнизоны службæйы æфсæддон комендатурæты хайæдты хуыздæр хицæуттæ хорзæхгонд æрцыдысты ведомствæйы хæрзиуджытæй – Уæрæсейы хъахъхъæнынады министрады отличникы нысантæй.
