Ацы субсиди сæрмагондæй арæзт у, куыст дæттыны центримæ бадзырд чи бафыста, уыдонæн.
Æгуыст адæмæн ратдзысты фæйнæ 300 мин сомы амалхъомдзинады рæзтæн. Ацы субсиди сæрмагондæй арæзт у, куыст дæттыны центримæ бадзырд чи бафыста, уыдонæн.
Ууыл ныхас цыд Хицауады æмбырды. Амыдта йæ Тускъаты Таймураз. Паддзахадон æххуысы мадзæлттыл бæстон доклад скодта куыст дæттыны комитеты разамонæг Платы Альбинæ. Субсидитæ кæмæн дæтдзысты, уыдон ацæудзысты сæрмагонд ахуыргæнæн курс. Хицауады уæнгтæ æрныхас кодтой амалхъом адæмы бартæ хъахъхъæнæг закъоны проектыл. Уым стæр æргом здæхт цæуы, федералон æмæ регионалон ведомствоты цæстдарæн архайдмæ. Республикæйы хи æтиæгтæ фæфылдæр сты 6%, фехъусын кодта премьер Тускъаты Таймураз. 70 процентæй фылдæр хардзгонд цæуынц социалон къабазыл. Æрныхас ма кодтой æндæр ахсджиаг фарстатыл дæр. Æнæниздзинадхъахъхъæнынады министр Годжысаты Тамерлан куыд загъта, афтæмæй нæ республикæйы фæкъаддæр, ноггуырдты амæлыны цаутæ. Цæуы дохтырты фæлтæрддзинадыл æфтауыны куыст дæр. Министр ма бафиппайдта, ахсджиагæй кæй баззад, льготæтæй чи пайда кæны, уыдон соцпакеты бæсты æхца кæй равзарынц, уый.
