Уый фæдыл йæ тыхы бацыд республикæйы сæргълæууæг Битарты Вячеславы указ
Цæгат Ирыстоны æххæстгæнæн хицаудзинады оргæнтæ æмæ бынæттон хиуынаффæйады разамынд хъуамæ ма бауадзой ног коронавирусы инфекци парахат кæнын. Уый фæдыл йæ тыхы бацыд республикæйы сæргълæууæг Битарты Вячеславы указ. Ууыл бæстон ныхас цыд сæрмагонд æмбырды. Арæзт æрцыд оперативон штаб, разамынд ын дæтты Хицауады Сæрдар Тускъаты Таймураз. Штаб кусдзæн æхсæвæй-бонæй. Абон дæр бæрнон кусджытæ ныхас кæнынц сæвзæрд уавæрыл. Хъуамæ иумæ æнгомæй кусой æппæт структурæты минæвæрттæ,- загъта республикæйы разамонæг. Уæрæсейы фæлхасадмæ цæстдарды цæгатирыстойнаг Управленийы разамонæг Тыбылты Алан куыд фехъусын кодта, афтæмæй нæ республикæйы коронавирусы инфекци нæй. Фæлæ 24 уæрæсейаг регионы ныридæгæн цаутæ рабæрæг сты. Нæ республикæйы 75 адæймаджы сты сæ хæдзæртты. Уый, Цæгат Ирыстонмæ коронавирусæй тæссаг рæттæй чи ссыди, ахæмтæ. 14 боны уыдзысты æхгæд фæткы. Кæнынц сын анализтæ. Битарты Вячеслав ма се ппæты ргом аздæхта афтекты хызты куыстмæ. Ахсджиаг ма у, хойраджы продуктты æмæ хосты æргъты уæлæмæцыд не руадзын.
