Уæвгæ, къорд арæзт æрцыд, республикæйы Сæргълæууæджы цур ирон æвзаг æмæ национ культурæ бахъахъхъæныны къамисы æмбырды хатдзæгтæм гæсгæ
Цæгат Ирыстоны Æхсæнадон палатæйы фæзы арæзт æрцыд, «Паддзахадон æзæгты тыххæй» республикон закъон бацæттæ кæныны фæдыл кусæг къорды фыццаг æмбырд. Уæвгæ, къорд арæзт æрцыд, республикæйы Сæргълæууæджы цур ирон æвзаг æмæ национ культурæ бахъахъхъæныны къамисы æмбырды хатдзæгтæм гæсгæ. Уæд Сергей Меняйло радта, закъоны проектыл бакусыны хæс. Кусæг къордмæ хаст æрцыдысты истори æмæ археологийы институты ирон æзаджы рæзты Центры хайады сæргълæууæг Хъамболты Тамерлан, Цæгат Ирыстоны гуманитарон æмæ социалон иртæстыты институты директор Хъаныхъуаты Зæлинæ, Æхсæнадон палатæйы сæрдар Нина Чиплакова, Ирон адæмы Уæлдæр Советы сæрдар Дзæгъойты Вячеслав, Цæгат Ирыстоны паддзахадон университеты ирон филологийы факультеты декан Гуытъиаты Эльмирæ, æмæ æндæр бæрнон кусджытæ. Сты наукон æхсæнады минæвæрттæ, æхсæнадон иугæндты уæнгтæ, паддзахадон оргæнты кусджытæ, депутаттæ æмæ юристтæ. Кусæг къорды сæргъы æрлæууыд историйы æмæ археологийы институты директор Бзарты Руслан. Фыццаг æмбырды снысан кодтой закъон саразыны фæдыл сæйрагдæр фарстатæ. Уымæй дарддæр ма скодтой анализ, ныридæгæн цы куыст цыди, уымæн.
