Фæлтæр æрæмбырд кодта змæлды 200 активистæй фылдæры
Æхсæнадон змæлд «Движения первых»-ы фыццаг фæлтæр байгом реабилитацион центр «Тæмисчъы».Фæлтæр æрæмбырд кодта змæлды 200 активистæй фылдæры. Мадзал байгом кæныны фæдыл фæсивæдæн раарфæ кодтой ахуырады æмæ наукæйы министр Алыбекты Эллæ, стæй фæллойы æмæ социалон рæзты министр Айдарты Алинæ. Лæппутæн æмæ чызджытæн бацæттæ кодтой концертон программæ. Фæлтæр цæудзæн 18 боны. Активисттæ базонгæ уыдзысты æхсæнадон змæлды 12 куысты хуызимæ. Уыдон та сты ахуырад, фæллой, культурæ, патриотизм, спорт, æнæниз цардыуаг, бархионты змæлд æмæ афтæ дарддæр. Фæсивæд ацæудзысты санаторон дзæбæхгæнæн мадзæлттæ. Уымæй дарддæр архайдзысты æрвылбоны мадзæлтты. Зæгъдзыстæм ма уый дæр, æмæ лагеры активон архайджыты се вæрæн бахастой Æппæтуæрæсеон акцимæ «Чиныг ме мбалæн». Цы литературон æрмæг сæмбырд кæной, уый арвитдзысты нæ бæстæйы ног регионтæм.
