27 августа 2024, 11:08
Æхсæз азы дæргъы лагерь «Звездочка» æрбамбырд кæны æрмæст Дзæуджыхъæуы алы адæмы хæттыты сывæллæты нæ, фæлæ ма нæ республикæйы алы районтæй дæр
Сывæллæтимæ архайд цæуы, национ программæ «К родным истокам» æххæст кæнгæйæ. Программæ арæзт æрцыд национ политикæйы æмæ æддагон бастдзинæдты министрады хъæппæрисæй. Ацы аз та лагеры программæ æххæстгонд æрцыд фæллойы æмæ социалон рæзты министрады æххуысæй. Лагеры сæрдыгон фæлтæр кæронмæ æрхæццæ.
Уый фæдыл 5-æм рады сывæллæтæ сæ хъомылгæнджытимæ бацæттæ кодтой аивадон равдыст. Хъæздыг уыд уадынгæрзты цагъдæй æмæ кæфтытæй. Лагеры хъомылгæнинæгтæ ма аив кастысты æмдзæвгæтæ ирон æвзагыл. Уымæй уæлдай 18 боны дæргъы ам арæзт уыдысты алыхуызон дæсныйадæвдисæг ахуыртæ, экскурситæ. Программæйы сæйраг нысан у ирон æвзаг æмæ æвзагимæ баст хæзнатæ бахъахъхъæнын. Ууыл кусынц æмæ архайынц лагеры хъомылгæнджытæ.
темæмæ гæсгæ
