Артисткæтæ азарыдысты сæхи фыст зарæг «Азар, мæ хæлар»
Хæлардзинады æнгом бастдзинад æмæ музыкæмæ уарзондзинад. Ацы миниуджытæ бæттынц нæ программæйы хъайтарты. Æлбегаты Аннæ æмæ Хуадонты Лали систы Андрей Малаховы программæ «Песни от всей души»-йы архайджытæ. Артисткæтæ азарыдысты сæхи фыст зарæг «Азар, мæ хæлар». Композицийæн ис цымыдисаг истори. Аннæ æмæ Лали дæсгай азтæм иумæ ахызтысты бирæ цæлхдурты сæрты. Хъайтмазты Дзерассæйæн ныхасы бар.
Шарль Азнавуры зарæг «Падает снег». Зары Æлбегаты Аннæ. Бэквокал – Андрей Малахов. Цæгат Ирыстонæй артисткæтæ Æлбегаты Аннæ æмæ Хуадонты Лали уый æнхъæл никуы уыдысты. Программæ «Песни от всей души»-йы азарыдысты авторон композици «Подруга, пой».
Ацы зарæг Хуадонты Лали ныффыста 13 азы размæ. 2011-æм азы 31-æм декабры, се *ппæт дæр Ног аз куы бæрæг кодтой, уæд Æлбегаты хæдзары æрцыд фыдбылыз. Аннæ бахауд рынчындонмæ. Астæуккаг хъусы отит, уæззаудæр операци, 2 къуырийы тарфыны. Дохтыртæ стыр ныфсытæ не *вæрдтой. Фæлæ, уый нæ хынцгæйæ, цасдæр рæстæг куы рацыд, уæд сындæггай фæстæмæ райдыдта музыкæйæ архайын.
Цалынмæ Аннæ палатæйы цардыл тох кодта, уæдмæ рынчындоны къулты æдте сæ тыхтæ баиу кодтой артисткæйы хæстæджытæ. Бирæ адæм йæ уавæрмæ се ргом раздæхтой æмæ иумæйагæй алывæрсыг æххуыс кодтой. Цæмæй йæм фæкæсой, уый тыххæй арæзт æрцыд хæрзаудæн концерт. Адæмон уарзондзинад уыд, цардмæ йæ чи раздæхта, уыцы тых. «Аня, цæр!»- афтæ куывдта алчидæр.
Куыд æмбæлы, афтæ уазæгуаты афтид къухтимæ нæ ацыдысты. Традицимæ гæсгæ, Андрей Малаховмæ студийы стъолы уæлхъус чи бадтис, уыдоны баиу кодтой хæдзары конд 3 ирон кæрдзыны. Цæттæ сæ кодтой Мæскуыйы.
Цæлхдурты сæрты нысанмæ цæуын… Аннæ цыма йæ цард-цæрæнбонты музыкæйы сидтмæ цыд, афтæ. Уый йын балæвар кодта адæмон уарзондзинад, æрбакодта йæ æндæр зындгонд вокалон телевизион шоуы сценæмæ. Ныр та ма Лалиимæ сæ къухы бафтыд ног сфæлдыстадон æнтыстдзинад. Программæ «Песни от всей души»-йы архайдæй æнкъарæнтæ арф бынат бацахстой сæ зæрдæты.
Æблегаты Аннæ музыкæйыл йæ зæрдæ нæ сивта, йæ цардвæндагыл цæуы зарæгимæ. Ныртæккæ йæ репертуар фæцыбырдæр, фæлæ йæ диссаджы хъæлæс адæмы зæрдæтæ хъарм кæны. Джаз, латино, романстæ, эстрадон зарджытæ – йæ хъæлæсæн алцыдæр æнтысы.
Аннæ æмæ Лали дæсгай азты дæргъы æвдисынц – сылгоймæгты *хсæн лымæндзинад ис. Зын сахат æмæ цины рæстæг дæр кæрæдзийы фарсмæ æрбалæууынц. Иумæ бирæ цыдæртæ бавзæрстой, æмæ сæм æрмæст иу фарстайы сæвзæры быцæу. Сæ лымæндзинадыл 25 æви 30 азы цæуы?
