23 декабря 2022, 11:08
Æнæнхъæлæджы цауты министрады æмæ пъæлицæйы минæвæрттæн уыди иумæйаг рейдтæ
Ног азы къæсæрыл фылдæрæй-фылдæр кæнынц æнæзакъон уæйгæнæн бынæттæ
Æнæнхъæлæджы цауты министрады æмæ пъæлицæйы минæвæрттæн иумæйаг рейдтæ уыди, пиротехникæ кæм уæй кæнынц, уыцы базарадон бынæттыл. Ног азы къæсæрыл фылдæрæй-фылдæр кæнынц æнæзакъон уæйгæнæн бынæттæ. Уыдонмæ барадхъахъхъæнæг оргæнтæй цæуы бæстондæр цæстдард. Рейдтæ аразынц, фейерверктæ æмæ петардæтæ кæм уæй кæнынц, ахæм рæттыл. Закъонхæлдтытæ кæм ссарой, уым продукци исынц иууылдæр. Уæйгæнджытыл та арæзт цæуы протоколтæ æмæ сыл æвæрд æрцæуы административон бæрнондзинад. Уымæй уæлдай, æнæзакъон базарады тыххæй ивар кæнынц 50 мин сомæй 5 сæдæ мин сомы бæрц.
темæмæ гæсгæ
