филиал вгтрк государственная телерадиовещательная компания “Алания”

Æнæнхъæлæджы цауты министрады кусджытæ рейдтæ аразынц перотехникæйы продукци кæм уæй кæнынц, ахæм бынæтты. Специалисттæ зæрдыл лæууын кæнынц, пиротехникæйæ пайда кæнын зынгсирвæзтытæй тæссаг кæй у, уый. Æлхæнæнæй ис æрмæстдæр сæрмагонд дуканиты. Рейдты рæстæг бæрæг кæнынц продукци кæм арæзт æрцыди, кæм æй дарынц æмæ йæ цы уавæрты уæй кæнынц, уый. Алы къоппыл дæр хъуамæ æнæмæнг уа бæлвырд фыст, куыд дзы пайда кæнæн ис, уый тыххæй информациимæ, кæм æй сарæзтой, уыцы заводы ном æмæ адрисимæ. Уый иу, иннæмæй та – уæйгæнджытæ алы æлхæнæгæн дæр хъуамæ дзурой фейерверктæ уадзыны æдасдзинады домæнтæ.