Уыдон æххæстгæнгæйæ, æркæсынц зынгсирвæзтыты æдасдзинады фарстатæм, саразынц конкурстæ, викторинæтæ, сæрмагонд техникæйы равдыстытæ
Æнæнхъæлæджы уавæрты министрады цæгатирыстойнаг сæйраг управлени аразы рухстауæн мадзæлттæ, республикæйы лагерьты сæ фæллад чи уадзы, уыцы сывæллæттæн. Уыдон æххæстгæнгæйæ, æркæсынц зынгсирвæзтыты æдасдзинады фарстатæм, саразынц конкурстæ, викторинæтæ, сæрмагонд техникæйы равдыстытæ. Ахæм мадзал специалисттæ сарæзтой лагерь «Хæххон уæлдæф»-ы дæр. Ныртæккæ дзы цæуы барадхъахъхъæнæн-патриотон профилон рад «Патриот». Йæ архайджытимæ аныхас кодтой зынгсирвæзтыты æдасдзинады æгъдæуттæ æххæст кæнын куыд ахсджиаг у, уый фæдыл. Зæрдыл æрлæууын кодтой æвæстиаты службæты телефонты номыртæ. Мадзалы кæронбæттæны рæзгæ фæлтæрæн равдыстой Дзæуджыхъæуы 2-æм зынгхуыссынгæнæн-ирвæзынгæнæн хайады техникæ. Сывæллæттæн сæ бон уыд машинæйы абадын, сæрмагонд ифтонггæрзтæ къухмæ райсын æмæ сæхи зынгхуыссынгæджыты хуызы афæлварын.
