филиал вгтрк государственная телерадиовещательная компания “Алания”

Æнæнхъæлæджы уавæрты министрады кусджытæ бынæттон хиуынаффæйады оргæнты, «Иугонд Уæрæсе»-йы æмæ «Æрыгон Гварди»-йы минæвæрттимæ сарæзтой инспекци, Дзæуджыхъæуы адæм сæ фæллад цы доны объектты уадзынц, уыдоны. Сæрмагонд æргом аздæхтой ирвæзынгæнджытæ, ирвæзынгæнджыты ифтонг посттæ, медицинон пункттæ ис æви нæй, стæй куыд æххæст сты, уымæ. Уымæй дарддæр ма æнæнхъæлæджы уавæрты министрады специалисттæ кæнынц стыр профилактикон куыст адæмимæ. Сæйраг нысан у бамбарын кæнын, доны объект – кæддæриддæр тæссаг бынат кæй у, æмæ дзы æдасдзинады домæнтæ æнæмæнг æххæст кæнын хъæуы.