Ирвæзынгæнджытæ сывæллæтты зæрдыл æрлæууын кæндзысты, зынгсирвæзты рæстæг хи куыд дарын хъæуы, æмæ ирвæзынгæнæн службæтæм куыд адзурын хъæуы, уый
Æнæнхъæлæджы уавæрты министрады кусджытæ сараздзысты æдасдзинады уроктæ республикæйы скъолаты. Ирвæзынгæнджытæ сывæллæтты зæрдыл æрлæууын кæндзысты, зынгсирвæзты рæстæг хи куыд дарын хъæуы, æмæ ирвæзынгæнæн службæтæм куыд адзурын хъæуы, уый. Уымæй уæлдай скъоладзаутæ архайдзысты, бæстыхайæ зынгсирвæзты рæстæг куыд рацæуын хъæуы, æмæ æнæнхъæлæджы уавæры рæстæг раст куыд архайын хъæуы, уый. Æнæнхъæлæджы цауты министрады пресс-службæ куыд хъусын кæны, афтæмæй æдасдзинады уроктæ Цæгат Ирыстоны аразынц æрвылаз. Уымæй уæлдай ведомствойы дæлхайæдты сараздзысты гом дуæртты бонтæ. Уым сабитæн равдисдзысты техникæйы хуызтæ æмæ сын радзурдзысты ирвæзынгæнæджы дæсныйады тыххæй.
