Уымæн æмæ арæх базартæм рацуæныц æнæзакъон уæйгæнджытæ.
Цалдæр боны ма, æмæ сæмбæлдзыстæм Ног азы бæрæгбоныл. Ацы афон уæлдай къæрцъхъусдæр вæййынц бæрнон кусджытæ. Зæгъæм, æнæнхъæлæджы уавæрты министрады специалисттæ. Уыдон бæрæгбоны агъоммæ саразынц рейдтæ, æмæ бæрæг кæнынц, ног азы продукци куыд уæйгонд цæуы, уый. Уымæн æмæ арæх базартæм рацуæныц æнæзакъон уæйгæнджытæ. Сæ товары хæрзхъæддзинад та вæййы дызæрдыггаг. Куыд рауад рейд, æмæ цавæр аиппытæ рхастой уæйгæнджытæм, уый тыххæй радзурдзæн Фидараты Маринæ.
«Уæй кæныны бар нæй» – ацы хыгъды ма ис цалдæр фиппаинаджы. Зæгъæм, хъармгæнæн прибортæ пиротехникон æрмæгмæ хæстæг æвæрд кæй сты, уый. Кæнæ та сертификаттæ куы нæ уа, уæд уый дæр нымад у домæнты ныхмæ. Уыимæ инструкци хъуамæ æнæмæнг фыст уа уырыссаг æвзагыл. Сæрмагонд дуканийы консультанттæ хъуамæ бæлвырд радзурой, фейерверктæй куыд пайда кæнын хъæуы, уый тыххæй. Ныртæккæ Уæрæсейы базарады фенæн ис пиротехникæйы продукцийы бирæ алы хуызтæ.
Ног азы агъоммæ Æнæнхъæлæджы уавæрты æмæ мидхъуыддæгты министрадты кусджытæ сарæзтой иумæйаг рейд уæйгæнæн бынæттыл. Æппæтæй арæхдæр чи мбæлы, уыцы хъуыддæгты хсæн – пиротехникон товар кæй дарынц, кæм не бæлы, ахæм рæтты, стæй ма йæ æнахъом сывæллæттæн кæй уæй кæнынц, уый дæр. Фæлæ арæх цæмæ расайы, уый ведомствойы специалисттæ се ппæтæй хуыздæр зонынц. Фарон бæрæгбæтты рæстæг æрцыд дыууæ ахæм цауы. Æмæ дыууæ дæр баст уыдысты, петардæтæй æмæ фейерверктæй раст кæй нæ пайда кодтой, уыимæ.
Владикавказскийы уынджы армукъайы алы бон дæр барадхъахъхъæнæг оргæнты кусджытæ бæрæг кæнынц уæйгæнæн бынæттæ. Ацы хатт байстой пиротехникон продукци. Уæйгæнæг куыд загъта, афтæмæй петардæтæ тæрхæгыл равæрдта фыццаг хатт. Фæлæ йæ ныр баййафдзæн административон æфхæрд æмæ бафиддзæн ивар.
«Иугонд Уæрæсе»-йы депутаттæ æмæ Фæсивæдон гвардийы активисттæ дæр, проект «Адæмон цæстдард» æххæст кæнгæйæ, инспекци скодтой ног азы продукцийыл. Специалисттæ кастысты бардæттæг гæххæттытæм, уæйгæнæн бынæттæм стæй продукцийы хæрзхъæддзинадмæ. Фарстатæ уыд адджын лæвæрттæ уæйгæнджытæм. Уымæн æмæ ацы проукци тагъд хæлы, гаранти та йын ничи радта. Партийы уæнгтæ ма бабæрæг кодтой заз бæлæсты армукъатæ дæр.
Рейды рæстæг цы аипдзинæдтæ сбæрæг кодтой, уыдон иууылдæр бахыгътой. Фæткхалджытæн та фехъусын кодтой, цы фхæрд сæм æнхъæлмæ кæсы, уый тыххæй.
Ног азы фыццаг бонты та активисттæ рацæудзысты ацы уæйгæнæн бынæттæм. Ацы хатт кæсдзысты, чи нæ ауæй ис, уыцы продукци куыд куынæг кæндзысты, уымæ.
