Амыдта йæ премьер Дзанайты Барис
Æнæниздзинадхъахъхъæнынады къабазы фарстатыл æрныхас кодтой Хицауадон æмбырды. Амыдта йæ премьер Дзанайты Барис. Профилон министр Тебиаты Сослан фехъусын кодта, республикæйы медицинон уагдæтты кæй нæ фаг кæны специалисттæ. Се хсæн анестезиологтæ-реаниматологтæ, неонатологтæ, онкологтæ, тæрхондæтты-медицинон эксперттæ, хирургтæ. Ацы фарста фылдæр лыггонд цæуы фидæны дохтырты нысанон ахуырадмæ гæсгæ цæттæ кæныны фæрцы. Рауагъдонты куысты бынатæй æнæмæнг æххæст кæнынц республикæйы паддзахадон медицинон организациты. Дзанайты Барис куыд загъта, афтæмæй нысанон æвзæрсты фарстамæ хъæуы ногæй æркæсын, æмæ бадзырдтæ фыссын æрмæст республикæйы ахадгæйæ чи хъæуы, ахæм дæсныйæдтæм гæсгæ. Ахуырады хатдзæгмæ гæсгæ та, рауагъдон хъуамæ æрыздæха регионмæ йæ профильмæ гæсгæ кусынмæ. Тебиаты Сослан ма радзырдта, кæй бакуыстой сæрмагонд проектыл. Уымæ гæсгæ медицинон кусджытæн арæзт цæудзысты уæлæмхасæн æххуысгæнæн алывæрсыг мадзæлттæ.
