Специалисттæ хатдзæгтæ скодтой, национ проект «Æнæниздзинадхъахъхъæнынад»-ы ацы азы фыццаг æмбисы куыстæн
Æнæниздзинадхъахъхъæнынады министрады коллеги ацы хатт арæзт æрцыд Цæгат Ирыстоны паддзахадон медицинон академийы. Специалисттæ хатдзæгтæ скодтой, национ проект «Æнæниздзинадхъахъхъæнынад»-ы ацы азы фыццаг æмбисы куыстæн. Нæ сæйраг нысан у – адæмы цард 78 азы онг фæдæргъвæтиндæр кæнын, онкологон æмæ зæрдæйы низтæ фæкъаддæр кæнын, – загътой æмбырды. Æнæниздзинадхъахъхъæнынады министры фыццаг хæдивæг Хетæгты Фатимæ куыд радзырдта, афтæмæй Цæгат Ирыстоны мæлыны цаутæ фæкъаддæр сты 7%. Медицинон организацитæ дарддæр ифтонггонд цæуынц сæрмагонд кусæнгæрзтæй. Нысан ма кæнынц ног 30 кусæнгарзы самал кæнын. Уымæй дарддæр куыст цæуы инфраструктурæйы рæзтыл. Ныртæккæ арæзт æмæ бындурон цалцæггонд цæуынц 5 объекты. Транспорты фарста алыг кæныны тыххæй балхæдтой 3 машинæйы. Зæгъын ма хъæуы уый, æмæ республикæйы сæххæст кодтой диспансеризацийы пълан. Медицинон æркаст ацыдысты 126 мин адæймаджы. Бирæ цæрджытæ кæм нæй, æмæ зын бацæуæн районтæм рæстæгæй-рæстæгмæ рвыст æрцæуынц цæугæ медицинон пункттæ. Онкологон низтæ рагацау иртасын райдыдтой 60% фылдæр. Стæй ма кусын райдыдта неонаталон скринингы лаборатори. Уым медицинон æххуыс кæнынц, йæ райгуырдæй, кæнæ стæм низтæ кæмæ ис, ахæм пациенттæн.
