Уый тыххæй журналисттимæ фембæлды фехъусын кодта æнæниздзинадхъахъхъæнынады министр Годжысаты Тамерлан
Æндæрæбон ма коронавирусæй амарди дохтыр-уролог Тыбылты Анатолий. Уый тыххæй журналисттимæ фембæлды фехъусын кодта æнæниздзинадхъахъхъæнынады министр Годжысаты Тамерлан. Куы февзæр ис, уæд æй уæззау уавæры баластой тагъд æххуыс клиникон рынчындонмæ, фæлæ йын уый нал баххуыс и. Уæлдæр категорийы дохтыры стаж уыд 38 азы.
Æрмæг исынæн та федералон центрæй радих кодтой фæрæзтæ, сæрмагондæй нæ республикæйы территорийы ПЦР-лабораторитæ самал кæнынæн. Уымæ гæсгæ хæстæгдæр рæстæг нысан кæнынц диагностикæйыл кусын æмæ бæстыхæйттæ ифтонг кæнынæн. Уымæй дарддæр амбулаторон уагæй дзæбæх кæнынæн дæр самал кодтой дзæбæхгæнæн хостæ. Уыцы-иу рæстæг адæммæ сидынц, цæмæй, кæм фыст сты, уыцы районты поликлиникæты кæной прививкæтæ гриппæй. Вакцинаци ис кæнæн коронавирусæй дæр. Æрмæст зæрдыл дарын хъæуы уый, æмæ дыууæ прививкæйы хсæн хъуамæ рацæуа æппынкъаддæр мæй.
