Архайдтой дзы муниципалон хицаудзинады оргæнтæ æмæ æхсæнадон организацитæ, национ – культурон æхсæнадты минæвæрттæ, ветерантæ, æфсæддонтæ-интернационалисттæ, æфсæддонтæ, студенттæ æмæ скъоладзаутæ
Æнустæм Уæрæсеимæ. Ахæм сæргондимæ акци ацыд Дзæуджыхъæуы, Хъырым Уæрæсеимæ баиу кæныны æмæ денджызон æфсæддонты боны кадæн. Архайдтой дзы муниципалон хицаудзинады оргæнтæ æмæ æхсæнадон организацитæ, национ – культурон æхсæнадты минæвæрттæ, ветерантæ, æфсæддонтæ-интернационалисттæ, æфсæддонтæ, студенттæ æмæ скъоладзаутæ. Мадзал арæзт æрцыди Советон Цæдисы хъæбатыр Къесаты Астаны цыртдзæвæны цур. Акцийы архайджытæ минут æдзæмæй алæугæйæ рымысыдысты легендарон денджызон æфсады службæгæнæджы, æмæ ма ноджыдæр иу хатт зæрдыл æрлæууын кодтой æрдæгсакъадах æмæ стыр бæстæйы бастдзинады ахадындзинад.
