Фыдыбæстæйы Стыр хæсты 70 азы номыл сквер 5 азы размæ сси номарæн бынат
Æппæтадæмон акци «Сады памяти» райдыдта Мæздæджы районы дæр. Фыдыбæстæйы Стыр хæсты 70 азы номыл сквер 5 азы размæ сси номарæн бынат. Талатæм зилынц хæстæг хæдзæртты цæрджытæ æмæ скъоладзаутæ. Æхсæнадон организацитæ ам саразынц патриотон акцитæ. Уымæ гæсгæ проект «Сад памяти» дæр ам расидтысты. Мæздæджы районы хъæды хæдзарады кусджытæ æрбаластой сусхъæды 150 талайы. Уыдон ныссадзынмæ æрбацыдысты скъоладзаутæ, сæ ахуыргæнджытæ, спортсментæ, тренертæ, администрацийы кусджытæ æмæ депутаттæ. Мæздæджы цæрджытæ æрбацыдысты æнæхъæн бинонтæй. Кæстæртæ æххуыс кодтой хистæртæн. Иутæ талатæ сагътой, иннæтæ та сыл дон кодтой. Алы бæлас дæр нысан кæны хъæбатыры сгуыхтдзинад. Æдæппæтæй та 27 милуан хъысмæты. Æмæ нæ алкæйы хæс дæр у Фыдыбæстæйы Стыр хæсты истори хъахъхъæнын, æмæ йæ кæстæр фæлтæрмæ хæццæ кæнын. Акци «Сад памяти» æххæст кæнгæйæ, ацы аз Уæлахизы Парчы бæлæстæ ныссадздзысты Мæздæджы районы алы хъæуы дæр
