Архайдтой дзы Парламенты сæрдар Тускъаты Таймураз, Уæрæсейаг историон æхсæнады разамынды сæрдар Гагкуты Руслан, паддзахадон университеты ректор Огъуаты Алан
«Фыдыбæстæйы Стыр хæст æмæ уæрæсейаг æхсæнад». Ахæм сæргондимæ æппæтадæмон наукон-практикон конференци уыд Цæгат Ирыстоны паддзахадон университеты. Архайдтой дзы Парламенты сæрдар Тускъаты Таймураз, Уæрæсейаг историон æхсæнады разамынды сæрдар Гагкуты Руслан, паддзахадон университеты ректор Огъуаты Алан, хициуадон оргæнты минæвæрттæ, уæрæсейаг æмæ фæсарæйнаг ахуыргæндтæ æмæ историктæ. Конференцийы нысан у, æрныхас кæнын Стыр Уæлахизы историон нысаныл, йæ ахадындзинад уæрæсейаг æхсæнады райрæзтыл, бахъахъхъæнын советон адæмы сгуыхтдзинады намыс. Мадзалы программæмæ хаст æрцыд 6 доклады комкоммæ æмæ дистанцион хуызы. Конференци баст уыд Фыдыбæстæйы Стыр хæсты Уæлахизы 80 азимæ.
