Киевскæйы хъæуы ныссагътой æнгуз бæласы 2000 талайы
Фыдыбæстæйы салдæтты хъæбатырдзинад хъуыды кæнын. Æппæтадæмон патриотон акци «Сады памяти» райдыдта Мæздæджы районы дæр. Киевскæйы хъæуы ныссагътой æнгуз бæласы 2000 талайы. Хъæуы цæрджытæ ацы акцийæ ссардтой Намысы ордены æххæст кавалертæ Николай Мартыненко æмæ Илья Сергеевы ном. Намысы ордены 3 къæпхæны кæмæн лæвæрд цыди, уыдонæн уыди Советон Цæдисы Хъæбатыры кад. Фронты Николай Мартыненко службæ кодта артиллерион сгарæн хайады. Йæ хыгъды ис бирæ ирд уæлахизы. Илья Сергеев та хæстмæ ацыд 43-æм азы. Архайдта Курск суæгъд кæныны тохы æмæ Керчы бакæлæны. Фыдыбæстæйы Стыр хæсты фæстæ Илья Сергеевы систой Константин Симоновы документалон кинонывы «Шел солдат». Уым радзырдта салдаты цардæй мысинæгтæ. Æдæппæтæй Киевскæйы хъæуæй фронтмæ ацыди 149 адæймаджы. Ирыстонæй æмтгæй райсгæйæ та Фыдыбæстæ хъахъхъæнынмæ ацыд 80 мин адæймаджы. Акци «Сады памяти» цæудзæн 20-æм апрельмæ. Экологи æмæ æрдзон æвæрæнты министрады куыд загътой, афтæмæй уыцы мгъуыдмæ нысан кæнынц 45 мин бæласы ныссадзын.
