Ацы хатт бабæрæг кодтой Алагиры æмæ Елхоты ног арæзт хæдзæрттæ
Æппæтуæрæсейон адæмон фронты регионалон хайады минæвæрттæ дарддæр бæрæг кæнынц адæмы кæлæддзаг хæдзæрттæй цы ног цæрæнуæттæм ракодтой, уыдоны хæрзхъæддзинад. Ацы хатт бабæрæг кодтой Алагиры æмæ Елхоты ног арæзт хæдзæрттæ.
Ацы хæдзармæ кæлæддзаг цæрæнуæттæй Алагиры цæрджытæ ралыгъдысты æртæ азы размæ. Хæдзары уавæр, цæрджыты хъуыдымæ гæсгæ, у хорз — къултæ нæ афаз сты, уымæл сæм нæ фæхæццæ, коммуникацитæ дæр кусынц куыд æмбæлы, афтæ.
Уæдæ Елхотты цæрджытæ та хъаст кæнынц сæ цæрæнуæтты уавæртæй. Фондз азмæ ног хæдзары рабæрæг бирæ аиппдзинæдтæ.
Уымæн йæ аххосаг у, кæй нæ сæвæрдтой уым донцъирæн. Цæрджыты бон нæу базонын — хæдзары проекты нысангонд уыдис æви нæ, уый. Æнæ уыцы кусæнгарзæй уæллаг уæладзгуытæм дон нæ хæццæ кæны æмæ уый тыххæй аг нæ кусы. Уый аххосæй хæдзармæ фæхæццæ уымæл.
Адæмон фронты эксперттæ лæмбынæг федтой хæдзар æмæ йын сбæлвырд кодтой йæ хъæндзинæдтæ. Æртæуæладзыгон бæстыхайы фарста хъуамæ алыг кæна республикæйы цæрæнуæтты коммуналон хæдзарады министрад.
Ацы хæдзар сентябрьмæ ис аразæджы гарантийы. Цæмæй æппæт аиппдзинæдтæ аиуварс кæной, уый тыххæй хъуамæ заказгæнджытæ курдиат ныффыссой подрядон куыстуатмæ.
