Ацы хатт активисттæ уыдысты Черменыхъæуы æмæ Раздзоджы
Æппæтуæрæсеон адæмон фронты активисттæ бæрæг кæнынц, æрæджы арæзт чи æрцыди, уыцы медицинон объекттæ. Кæсынц, кусæнгæрзтæй куыд æххæст сты, пациенттæн дзы цы уавæртæ ис, уый. Ацы хатт активисттæ уыдысты Черменыхъæуы æмæ Раздзоджы. Цы фиппаинæгтæ разынд, уый тыххæй Джыбызты Зæринæйы æрмæджы.
Черменыхъæуы амбулатори бындурон цалцæджы фæстæ гом æрцыд, фæлæ куыстуат æххæстæй архайын нæма райдыдта. Цух ма æййафынц хъæдзаумайæ. Зæгъæм, медицинон картæтæ дарынц стъолтыл æмæ бандæттыл. Уый тыххæй пациентты æнхъæлмæ кæсын бирæ фæхъæуы.
Æхсæнадон кусджытæ се ргом аздæхтой уымæ дæр, æмæ амбулаторийы кæй нæй медицинон профилактикæйы æмæ биохимион лабораторийы кабинет. Сног кæнын хъæуы амбулотрийы автопарк, стæй кæртмæ базилын дæр.Ивгъуыд аз республикæйы арæзт æрцыд 36 фельдшерон-акушерон пункты. Уыдонæй фыццаг скуыста Раздзоджы медицинон пункт. Мониторинг сбæрæг кодта цалдæр аиппы.
Рæстæгæй-рæстæгмæ бæрæггæнæн куыст дæтты хатдзæгтæ, зæгъынц Æппæтуæрæсеон адæмон фронты минæвæрттæ. Уымæ гæсгæ йæ кæндзысты дарддæр дæр.
