2019-æм азы программæ «Горæты æнцонвадат архайд» æххæстгæнгæйæ, ам цалцæггонд æрцыдысты æртæ хæдзары кæртытæ
Æппæтуæрæсеон адæмон фронты активисттæ Мæздæджы районы инспекци скодтой, кæртытæ аив кæныны хъуыддаджы цы куыстытæ конд æрцыди, уымæн. 2019-æм азы программæ «Горæты æнцонвадат архайд» æххæстгæнгæйæ, ам цалцæггонд æрцыдысты æртæ хæдзары кæртытæ. Куыстытæ дзы конд æрцыдысты æмгъуыдмæ гæсгæ, æмæ æнæ къуылымпытæй. Асфальтæй уæлдай ма дзы сæвæрдтой бордюртæ, ног бандæттæ, бырондæттæ, сног кодтой рухсгæнæн системæ. Иумæйаг фæрæзты хардзæй кæртыты скодтой машинæты æрлæууæн бынæттæ, æмæ сывæллæттæн спортивон фæзтæ. Ныр та ахæм куыстытæм рады лæууынц 42 кæрты, ныридæгæн скодтой дизайн-проекттæ æмæ бацæттæ кодтой проектон – сметон документаци. Æппæтуæрæсеон адæмон фронты активисттæ регионалон министрадмæ бахастой фæндон, цæмæй республикæйы районтæ æмæ горæттæ цæуой хорзæхгонд, æмæ федералон программæ хуыздæр чи æххæст кæны, уыцы муниципалитеттæн бонусты хуызы фылдæр кæной, цы æхца сын дихгонд цæуы, уыдон.
