Алы бон дæр бархионтæ хæссынц алывæрсыг пайда
Фæкæсынхъуаг адæмæн баххуыс кæнын, фæндæгты уавæрмæ æркæсын, Фыдыбæстæйы Стыр хæсты чи фесæфт, уыдоны ссарыныл архайын, æмæ ацы хыгъд æххæст нæу. Æппæтуæрæсеон адæмон фронты активисттæ æгуыст нæ вæййынц. Алы бон дæр бархионтæ хæссынц алывæрсыг пайда.
Пандемийæйы рæстæг Æппæтуæрæсеон адæмон фронты акци «Мах стæм иумæ» баиу кодта фæсивæды. Бархионтæ сæ размæ бирæ хæстæ сæвæрдтой – ацæргæ æмæ фæкæсынхъуаг адæммæ хæццæ кодтой хостæ æмæ хойраг, æххуыс кодтой рынчындæтты, адæмы цы фарстатæ тыхсын кодтой, уыдонæн телефонæй лæвæрдтой дзуапп. Æмæ уый æппæтуæрæсейон адæмон фронты архайдæн у йæ иу хай.
Аæдмон фронт кусы алы къабæзты – бæрæг кæнын хъармгæнæнты цæттæдзинад, æнцонвадаты мадзалттæ, аразы акцитæ социалон æгъдауæй æххуысхъуаг сывæллæттæн.
Номарæн æмæ намысы афæдзы рæстæг архайдтой фыдыбæстæйы хæстонты агурæн мадзæлтты. Уый фæдыл сæм æрбацыд 188 курдиаты. Уыдонæй сбæрæг кодтой 17, сæ иуы ссардтой Венгрийы. Ацы куыстмæ стыр æвæрæн бахаста Æппæтуæрæсейон адæмон фронты фæсивæдон комитет.
Æппæтуæрæсеон адæмон фронты уæнгтæ ма бæрæг кæнынц пырх фæндæгтæ, æмæ уый фæстæ сæ цæст дарынц куыд сæ сцалцæг кодтой, уымæ дæр
Æппæтуæрсеон адæмон фронты уæнгтæ куыд зæгъынц, афтæмæй нæ бæстæйы ис бирæ программæтæ, кæцытæ ахъаз сты хуыздæр царды уагæн, фæлæ сæ æдзух куыд æмбæлы афæт нæ пайда кæнынц, уымæ гæсгæ сæ хæс у ахæм лыггæнинаг фарстатæ фæнысан кæнын æмæ сæ бацамонын.
