Цæгат Ирыстоны пырх фæндæгты картæ кæны уæрæхдæр
Цæгат Ирыстоны пырх фæндæгты картæ кæны уæрæхдæр. Уыимæ йæм арæх бахауынц, æрæджы кæмæ базылдысты, уыцы уаццæгтæ. Æппæтуæрæсеон адæмон фронты регионалон штабы эксперттæ рацыдысты радон рейды, æмæ федтой Дзæуджыхъæуы стæй Беслæны фæндæгты асфальты хæрзхъæддзинад. Цавæр хатдзæгтæ скодтой, уый тыххæй радзурдзæн Хъайтыхъты Фатимæ.
Дзæуджыхъæуы Темырты æфсымæрты уынджы фæндаг бындуронæй цалцæггонд æрцыд 4 азы размæ. Ныртæккæ та ногæй хаст æрцыд горæты æппæтæй базилинагдæр уынгты хыгъдмæ.
Ахæм дзыхъхъытæ шофыртæн æндæр гæнæн нæ дæттынц, æмæ уыдон сæвзæрын кæнынц аварион уавæртæ. Хъуыддаг равзарыныл архайынц Æппæтуæрæсеон адæмон фронты минæвæрттæ.
Беслæны Дзæрæхохы-фырты уынджы уавæрмæ кæсгæйæ та дывæр æнкъарæнтæ сæвзæрынц. Иуæй – комеди, иннæмæй та – трагедийы жанртæ æрлæууынц адæймаджы зæрдыл. Афæдзы размæ Æппæтуæрæсеон адæмон фронты эксперттæ ацы уаццагмæ сæ цæст æрдардтой. Уæд уыдоны хъæппæрисæй фæндаг сцалцæг кодтой. Уыимæ – бындуронæй. !Уымæ гæсгæ æхсæнадон архайджыты сын зын бауырнæн уыди, ногæй та ацы фæндаг пырх фæндæгты хыгъдмæ куы бахауди, уæд. Ныр уавæрмæ æркæсынмæ æрбахуыдтой хæдбар эксперты.
Æппæтуæрæсеон адæмон фронты зæрдæ бавæрдтой, фарстайыл бæстон кæй бакусдзысты, стæй фæндаг æппæт домæнтæ хынцгæйæ кæй сцалцæг кæндзысты, уымæй.
Сæйраг тæссагдзинад у – шофырты ацы пырх фæндæгтыл цæугæйæ уæлдай къæрцхъус уæвын кæй хъæуы, уый. Уымæн æмæ сæ хатгай фæхъæуы комкоммæ фæндагмæ рацæуын. Уымæ гæсгæ ма машинæты хицæуттæм сидынц, цæмæй сæ хъуыдытæ ма мбæхсой, фæлæ сæ хъæстытæ хæссой æппæтуæрæсеон адæмон фронты сайты пырх фæндæгты картæмæ. Æдæппæтæй уыцы хыгъды ис дыууæ сæдæ фæндагæй фылдæр. Фæлæ адæмон фронты зæгъынц, ацы фарстамæ куыдфæндыйы цæстæй чи нæ кæсы, æмæ йæ граждайнаг цæстæнгас чи вдисы, уыцы адæмы фæрцы ацы азы кæронмæ хъуыддагæн лыггонд æрцæудзæн йæ фæндзай проценты.
