Æхсæнады уæнгтæ объекттыл æрзылдысты администрацийы минæвæрттимæ
Æппæтуæрæсеон адæмон фронты эксперттæ Мæздæджы районы хатдзæгтæгæнæн мониторинг скодтой кæртыты æхсæнадон територитæн. Æхсæнады уæнгтæ объекттыл æрзылдысты администрацийы минæвæрттимæ. Делегаци бабæрæг кодта Дубининты номыл парк, Люба Кондратенкойы сквер æмæ Уæлахизы Парк. Алы ран дæр куыстытæ кæронмæ фæхæццæ кæнынц. Фæлæ ацы хъуыддæгтæн цы фæрæзтæ радих кодтой, уыдонимæ абаргæйæ, уавæр зæрдæмæдзæугæ нæу. Уый ирдæй зыны Дубининты парчы. Скверы ног рухсгæнæнтæ, фæзы бандæттæ, сывæллæтты хъазæн фæзмæ, эксперттæ фиппаинæгтæ не рхастой. Бакусинаг хъуыддæгтæ рабæрæг кодтой цæрæн секторы дæр. Грозненскийы уынджы цæрджытæ хъаст кæнынц, къæвда бон кæрты стыр цадтæ кæй рæмбырд вæййы, уымæй. Кæмдæрты нæ разынди пандустæ дæр. Специалистты ныхæстæм гæсгæ, проект «Горæты æнцонвадат цард»-ы сæйраг нысан у адæмы царды уавæртæ хуыздæр кæнын, æмæ алкæмæн дæр йæ бон у, йæ фæндонтæ æмæ фиппаинæгтæ бахæсын.
