24 августа 2020, 11:33
Æппæтуæрæсеон адæмон фронты фæсивæдон командæйы уæнгтæ сарæзтой акци #ОставайсяДонором
Уæвгæ та йæ Цæгат Ирыстоны æххæст кæнынц æртыккаг хатт
Æппæтуæрæсеон адæмон фронты фæсивæдон командæйы уæнгтæ сарæзтой акци #ОставайсяДонором. Уæвгæ та йæ Цæгат Ирыстоны æххæст кæнынц æртыккаг хатт. Социалон хызты змæлды активисттæ сидынц адæммæ, цæмæй архайой хæлар хъуыддæгты. Уымæн æмæ афтæмæй ис адæймаджы цард аирвæзын кæнын. Уымæй дарддæр туг дæттыны процедурæ пайда у донортæн сæхицæн дæр. Æрыгон æхсæнадон архайджытæ ма бацæттæ кодтой викторинæтæ, æмæ се ппæтæн дæр лæвæрдтой призтæ. Акцийы архайджытæн радзурынц, цы у донор, æмæ йын цавæр бынат ис ныртæккæйы царды. Нысан ма кæнынц скъоладзаутимæ фембæлдтытæ аразын дæр. 28æ-м августы та арæзт æрцæудзæн радон акци #ОставайсяДонором.