Фæсивæдон къордимæ æхсæнадон кусджытæ сывæллæттæн баластой æхсызгон лæвæрттæ: алыхуызон хъæзтытæ, чингуытæ æмæ дыргътæ
Æппæтуæрæсеон адæмон фронты уæнгтæ бабæрæг кодтой Дур-Дуры скъола-интернат «Надеждæ». Фæсивæдон къордимæ æхсæнадон кусджытæ сывæллæттæн баластой æхсызгон лæвæрттæ: алыхуызон хъæзтытæ, чингуытæ æмæ дыргътæ. Акцимæ се вæрæн бахаста бирæсывæллонджын бинонты организаци дæр. Интернаты хъомылгæнинæгтæ та уазджытæн бацæттæ кодтой зæрдæмæдзæугæ концерт. Ацы аз ахуыргæнæндон, национ проект «Ахуырад» æххæст кæнгæйæ, самал кодта нырыккон кусæнгæрзтæ. Уыдоны фæрцы фæсивæд æмхиц кæнынц алыхуызон дæсныйæдтæм. Зæгъæм ахуыр кæнынц профессионалон къамтæ исыныл, адджинæгтæ фыцыныл. Уымæй дарддæр сæхи фæлварынц дзабыртæ хуыйынæй æмæ хъæды куыст кæнынæй. Æрмадзты цы специалисттæ кусынц, уыдон онлайн-хуызы ацыдысты фæлтæрддзинад фылдæргæнæн сæрмагонд курсытæ.
