Сыгъдæгъдзинады рейтинг сбæлвырд кæнынц цæрджытæ сæхæдæг
Нæ республикæйы сыгъдæгдзинадмæ æвæрæн бахæссын у алкæйы бон дæр. Æппæтуæрæсеон адæмон фронты уæнгтæ расидтысты контейнерон фæзты мониторинг. Сыгъдæгъдзинады рейтинг сбæлвырд кæнынц цæрджытæ сæхæдæг. Цæмæй «бырæтты реформæ» кæй хонынц, уым бацархайай, уый тыххæй хъæуы анкетæ баххæст кæнын. Уыимæ сæрмагонд уæлæмхасæн программæйы фæрцы. Цæгат Ирыстоны алы цæрæгæн дæр фадат ис бырæтты контейнеры тыххæй хъусынгæнинаг картæмæ бахæссынæн. Уæлæмхасæн фæрæзы уылты сбæрæг кæнæн ис сæрмагонд фæзтæ, æмæ базонын, домæнтæн дзуапп дæттынц æви нæ, уый. Сæйрагдæр у – алфамбылай территорийы сыгъдæгдзинад, йæ бынмæ хъуамæ уа асфальт, стæй фыст хъусынгæнинаг, куыстытæн дзуапп чи дæтты, стæй бырæттæ цавæр фæткмæ гæсгæ аласынц, уый тыххæй. Зæгъдзыстæм ма уый дæр, æмæ сыгъдæгдзинадыл чи куса, уыдонæн дæтдзысты баллтæ. Уыдонæй та спайда кæнæн ис базарадон хызты. Афтæмæй мониторинг аразгæ у хуымæтæг адæмæй. Бастдзинад сын ис Регионалон операторимæ. Ивгъуыд азы фæстаг дыууæ мæймæ æппæт Уæрæсейы сбæрæг кодтой 75 мин контейнерон фæзы. Нæ республикæйы уал æрмæстдæр 370. Уыдонæй 11 банымадтой сыгъдæгыл. Ахæм бæрæггæнæн куыст цæудзæн дарддæр, зæгъынц Æппæтуæрæсеон адæмон фронты.
