30 мая 2025, 10:50
Æппæтуæрæсеон фестиваль «Медвежонок» арæзт æрцæудзæн 30-æм майæ 1-æгæм июны
Ацы аз дзы фыццаг хатт архайдзæн Цæгат Ирыстон
Сывæллæтты, бинонты æмæ анимацион кинойы Æппæтуæрæсеон фестиваль «Медвежонок» æртыккаг хатт арæзт æрцæудзæн 30-æм майæ 1-æгæм июны онг Перьмы æмæ Уæрæсейы æндæр регионты. Ацы аз дзы фыццаг хатт архайдзæн Цæгат Ирыстон дæр. Уазджытæн бацæттæ кодтой кинонывты лæвар равдыстытæ. Фендзысты сывæллæтты æмæ бинонты кинонывтæ. Уымæй дарддæр дзы уыдзысты аниматортæ, зонадон викторинæтæ æмæ бирæ æндæр цымыдисаг конкурстæ. Программæйы кинонывтæн аргъ кæндзысты куыд профессионалон жюрийы уæнгтæ, афтæ сывæллæттæ сæхæдæг дæр. Зæгъдзыстæм ма уый дæр, æмæ мадзал саразыныл бакуыста республикæйы культурæйы Министрад.
