Конкурс саразыныл бакуыстой Уæрæсейы промышленносты æмæ базарады министрад, уæрæсейаг æхсæнад «Знание» стæй акционерон æхсæнад «Глонасс»
Æппæтуæрæсеон конкурс «Знаешь? Научи!» арæзт æрцыд скъоладзауты хсæн, æмæ уæлахиз æрхаста Дзæуджыхъæуы 41-æм скъолайы 2-æм къласы ахуырдзау Хуытъинаты Сæрмæтæн. Конкурс саразыныл бакуыстой Уæрæсейы промышленносты æмæ базарады министрад, уæрæсейаг æхсæнад «Знание» стæй акционерон æхсæнад «Глонасс». Йæ видеороликы Сæрмæт стыр æргом аздæхта актуалон темæмæ – ног вирусты ныхмæ тох. Æдæппæтæй наукон ерысы архайдтой 3 мины æмæ 500 видеороликы. Уæлахиздзауты сбæрæг кодтой 3 категорийы. Уыди ма дзы 3 сæрмагонд номинацийы дæр. Фидараты Маринæ радзурдзæн бæлвырддæр хабæрттæ.
Дзæуджыхъæуккаг лæппу Хуытъинаты Сæрмæтыл 8 азы йеддæмæ нæма цæуы, фæлæ йæм ахæм æвзонгæй дæр сæвзæры бирæ фарстатæ, дуне куыд арæзт у, уый тыххæй. Уый нæ, фæлæ ма архайы уыцы фарстатæ алыг кæныныл.
Ныртæккæ COVID-19 æппæт дунейы дæр нымад у куыд тæссагдæр хъуыддæгтæй иу, афтæ. Фæлæ зæгъын хъæуы уый, æмæ фыццаг ахæм тæссаг вирус нæу зæххы цъарыл. Уавæр равзарыны тыххæй, дыккæгæм къласы ахуырдзау систа видеоæрмæг, æмæ дзы се ппæты ргом здахы историмæ. Уыцы видеоролик арвыста æппæтуæрæсеон конкурсмæ. Баххуыс ын кодтой хистæртæ. Афтæмæй рамбылдта конкурсы. Хæрзиуджытæ дæттыны кадджын мадзал арæзт æрцыд Мæскуыйы.
Курдиæттæ чысыл нæ уыдысты – 3 мины æмæ рдæг. Уымæ гæсгæ уыйбæрц куыстыты хсæн уæлахиз райсын у тынг æхсызгон. Лæппуйы мад зæгъы – Сæрмæт кæддæриддæр уыд цымыдисаг æмæ алывæрсыг сывæллон. Уымæ гæсгæ йæ сфæлдыстадон ерысы бацархайын тынг бафæндыд. Йæхи бацæттæ кодта бæрнонæй.
Нæ фарстæн – дæ фидæн цæимæ бæттыс, зæгъгæ, кæстæркъласон фидарæй радта бæлвырд дзуапп.
Зæгъæн ис, æмæ Сæрмæтæн уый у æцæг наукон куыст. Уымæ гæсгæ йæ компани «Глонасс» лæппуйы йæ мадимæ æрбахуыдта экскурсимæ сæ офисмæ. Къаддæр сюрприз нæ уыди йе скъолайæн дæр уый, æмæ сын фадат фæзынд Уæрæсейы хъæбатыр, тæхæг-космонавт Елена Сероваимæ аныхас кæнын. Сæрмæты уалахизы фæрцы ахуырдзаутæн фадат уыд онлайн-фембæлды архайынæн. Зындгонд адæймагимæ аныхас кæнынæн, æмæ йын цымыдисаг фæрстытæ раттынæн. Ацы уæлахиз фæбæрæг уыдзæн скъолайы иумæйаг рейтингыл дæр.
Цалынмæ ахуыргæндтæ ног тæссаг вирустæ скуынæг кæныныл архайынц, уæдмæ та æвзонг иртасæг зæгъы…
