18 марта 2022, 12:06
Æппæтуæрæсеон пъæлицæйæгты ассоциаци ковиды ныхмæ æнæзæрдæхудт тохы тыххæй схорзæхджын кодта Цæгат Ирыстоны дохтырты
Хæрзиуджытæ райстой 34 адæймаджы
Æппæтуæрæсеон пъæлицæйæгты ассоциаци ковиды ныхмæ æнæзæрдæхудт тохы тыххæй схорзæхджын кодта Цæгат Ирыстоны дохтырты. Хæрзиуджытæ райстой 34 адæймаджы. Уый, республикæйы алы медицинон куыстуæтты дохтыртæ. Низ йæ тæккæ карзæй куы уыди, уæд иу сæ бинонты ныууагътой, æмæ бон æмæ хсæв æнæзонгæйæ дæргъвæтин рæстæг уыдысты рынчынты уæлхъус. Ведомствæйы минæвæрттæ фæбæрæг кодтой, республикæйы коронавирусы уавæр кæй фæхуыздæр, уый дохтырты куыстуарзондзинады фæрцы кæй у, уый. Ахæм акци ма арæзт æрцыди фарон дæр.