Хуымæллæджы райдыдта проекты дыккаг къæпхæн
Æппæтуæрæсеон проект «Точка роста» алы хъæуккаг скъоламæ дæр. Хуымæллæджы райдыдта проекты дыккаг къæпхæн. 2019-æм азы республикæйы хъæуккаг скъолаты байгом кодтой нымæцон ахуырады æмæ гуманитарон профилы 17 центры. Ацы аз ма фæзындзысты ноджыдæр 42 ахæм центры. Уыцы скъолаты директортæ фембæлдысты Цæгат Ирыстоны ахуырады æмæ наукæйы министр Людмила Башаринаимæ. Уый сын радзырдта проект «Точка роста»-йы куысты хицæндзинæдты тыххæй, стæй йæ нысанты тыххæй дæр. Фембæлды рæстæг арæзт æрцыд Хуымæллæджы скъолайы куысты презентаци. Уазджытæн радзырдтой, урокты фæстæ сывæллæттæн фадат кæй ис алы хуызты хицæн ахуырад исынæн. Бæлвырддæр та – нымæцон, æрдзон наукон, техникон æмæ гуманитарон профильтæй. Стæй ма сæ ахуыр кæнынц шахмæттæй хъазын æмæ медиапродукт аразын.
Национ проект «Ахуырад» -ы федералон программæ «Нырыккон скъола» æххæст кæнгæйæ, ахæм центртæ байгом кæндзысты Цæгат Ирыстоны æппæт районты. Сæрмагондæй уыцы нысантæн радих кодтой 47 милуан сомы. 2021-æм азы «Точка роста» ма байгом кæндзысты 72 скъолайы. Уый уыдзæн проекты æртыккаг кæронбæттæн къæпхæн.
