25 октября 2019, 15:10
Æппæтуæрæсеон проектмæ гæсгæ адæмон фронты активисттæ уыдысты Мæздæджы районы
Луковскæйы станицæйы скъоладзаутæн сарæзтой фæндæгтыл æдасæй цæуыны урок
Æппæтуæрæсеон проектмæ гæсгæ адæмон фронты активисттæ уыдысты Мæздæджы районы. Луковскæйы станицæйы скъоладзаутæн сарæзтой фæндæгтыл æдасæй цæуыны урок. Сахатмæ сывæллæтæ сныв кодтой æдас фæндаг, сæ хæдзарæй скъолайы онг, æмæ фæстæмæ. Цалынмæ къамис хуыздæрты иртæста, уæдмæ та мадзалы архайджытæ ныхас кодтой фæндæгтыл æдасæй цæуыны паддзахадон инспекцийы кусджытимæ. Сæ зæрдыл æрлæууын кодтой фæндаггон уагæвæрдтæ, стæй ма скодтой талынджы рухс здахæн мигæнæнтæ. Викторинæ «Скъоламæ æдас фæндаджы» уæлахиздзаутæ хорзæхгонд æрцыдысты зæрдылдарæн лæвæрттæй. Ахæм мадзæлттæ арæзт цæудзысты æппæт районты дæр.
темæмæ гæсгæ