Не сфæлдыстадон къорд бабæрæг кодта Дзæуджыхъæуы геронтологон центры тыххæй æрмæг
Æрæджы бæстæйы сбæрæг кодтой социалон кусæджы бон. Не сфæлдыстадон къорд бабæрæг кодта Дзæуджыхъæуы геронтологон центры тыххæй æрмæг. Ам адæмæн кæнынц хъæугæ процедурæтæ, стæй сын сæ рæстæг æхсызгонæй арвитыны тыххæй аразынц алыхуызон мадзæлттæ. Ацы бонты та ацæргæ адæмæн фембæлд уыди уырыссаг академион театры актертимæ.
Геронтологон центры фæлладуадзджыты æмæ кусджытæ фембæлд уарзон артисттимæ. Киситы Роберт æмæ Цæллаты Алан зæрдæрайгæйæ раргом кæнынц актерон дæсныйады æмæ фæскулисты сусæгдзинæдтæ, царды хабæрттæ. Куыстуаты социалон æххуыс исджытæ сты ацæргæ адæм. Уымæ гæсгæ специалисттæ равзарынц зæрдæмæдзæугæ куысты хуызтæ: саразынц сын фембæлдтытæ актертæ æмæ музыканттимæ, февдисынц сын кинонывтæ æмæ концерттæ.
Царды уагъд цæуы проект «Активное долголетие». Уый у комплексон программæ. Йæ руаджы ацæргæ адæмы цард хуыздæр кæны, уыдон свæййынц активондæр. Стыр цæстæнгас дард цæуы сæ эмоционалон уавæрмæ. Сæрмагонд ахуыртæ дæттынц хорз бæрæггæнæнтæ.
Центры адæмæн конд ис хъæугæ уавæртæ. Фæцæуынц алыхуызон процедурæтæм. Уыдон сын æрмæст æхсызгондзинад нæ хæссынц, фæлæ сты пайда се*нæниздзинадæн.
Процедурæты размæ дохтыртæ сбæлвырд кæнынц, пайда уыдзысты адæймагæн æви нæ, уый. Алкæмæ дæр дарынц хицæн цæстæнгас. Центры ма æххуыс кæнынц æххуыс кæй хъæуы, уыдонæн дæр. Социалон кусджытæ, ардæм йе*нæниздзинад фидар кæнынмæ чи æрбацæуы, уыдоны уайтагъд базонынц – бирæтæ ам сæ фæллад фæуадзынц алы аз дæр, сæхиуыл банкъарынц хорзырдæм ивддзинæдтæ.
Геронтологон центр гом æрцыд ацæргæ адæмы цард фæхуыздæр кæнынæн. Уымæн æххуыс – социалон кусджытæ.
