Афæдзы рдæг сæм нæ уыди æрдзон газ.
Æрæджы нæ программæтæй иуы дзырдтам Джыккайты Шамилы уынджы хæдзары цæрджыты фарстатыл. Афæдзы рдæг сæм нæ уыди æрдзон газ. Уæд хæдзары цæрджытæй иу Пагæты Таисия плакатимæ æрбацыд Хицауады Хæдзары цурмæ. Уæд æм бæрнон кусджытæ байхъуыстой, æмæ ныр фарста лыггонд æрцыд. Фыццаг къæпхæны уал сног кодтой газуадзæн хæтæл. Специалисттæ æркастысты газдæттæн кусæнгæрзты хæрзхъæддзинадмæ. Уæ зæрдыл уын æрлæууын кæндзыстæм, ныхмæлæуддзинады акцийы рæстæг рабæрæг, афтæмæй 18-æм микрорайоны автономон газы хызæг уæд кæронмæ арæзт нæ фæцис. Аразæг компани нымад æрцыди банкротыл. Аразджытæм æмæ газдæттæг компанимæ фыстæджытæ æмæ курдиæттæ фарста нæ алыг кодтой. Ныхмæлæуддзинады акцийы фæстæ сылгоймагæн баххуыс кодтой курдиат бацæттæ кæнынæн. Уаты 19 градусы хъарм уыдзæн, ууыл мæйы размæ Пагæты Таисия æууæндгæ дæр нæ кодта. Ныр та йæ фатеры хъарм батарейтæ. Афтæмæй райдайæн ис цалцæггæнæн куыстытæн. Раздæр уазалы тыххæй бетон нæ хус кодта. Сылгоймаг газы компанийы байгом кодта йæхи хыгъд, æмæ сæвæрдта нымайæн прибор. Æмæ йæ зæрдæ дары, афæдзы рдæджы фæстæ йæ бинонтимæ ног, райдзаст æмæ хъарм фатеры кæй æрцæрдзæн, ууыл.
