Афæдзы рдæг сæм нæ уыди æрдзон газ
Æрæджы нæ программæтæй иуы дзырдтам Джыккайты Щамилы уынджы хæдзары цæрджыты фарстатыл. Афæдзы рдæг сæм нæ уыди æрдзон газ. Уæд хæдзары цæрджытæй иу Пагæты Таисия плакатимæ æрбацыд Хицауады Хæдзары цурмæ. Уæд æм бæрнон кусджытæ байхъуыстой, æмæ ныр фарста лыг кæнын райдыдтой. Фыццаг къæпхæн – газуадзæн хæтæл сног кæнын. Специалисттæ та кæсынц газдæттæн кусæнгæрзты хæрзхъæддзинадмæ.
Джыккайты Шамилы уынджы 4-æм хадзары райдыдтой газ уадзыны куыстытæ. Уæ зæрдыл уын æй лæууын кæнæм, 27-æм январы хæдзары цæрджытæй иу бацыди Хицауады хæдзармæ, æмæ иунæгæй сарæзта ныхмæлæуддзинады акци. Республикæйы Сæргълæууæгмæ йæ хъаст бахæсгæйæ, Пагæты Таисия загъта, афæдзы *рдæджы бæрц хæдзары газ, уыимæ та хъарм кæй нæй, уымæй. Куыд рабæрæг, афтæмæй 18-æм микрорайоны автономон газы хызæг афтæ дæр кæронмæ арæзт нæ фæцис. Аразæг компани нымад æрцыди банкротыл. Аразджытæм æмæ газдæттæг компанимæ фыстæджытæ æмæ курдиæттæ фарста нæ алыг кодтой. Ныхмæлæуддзинады акцийы фæстæ сылгоймагæн баххуыс кодтой курдиат бацæттæ кæнынæн. Афтæмæй, цалдæр боны фæстæ райдыдтой газы хæтæл баиу кæныны куыстытæ. Регламентмæ гæсгæ, ныр се ппæт цæрджыты дæр хъæуы банчы хыгъдтæ байгом кæнын. Уæд газ ратдзысты фатертæм дæр. Ног хæдзары цæрджытæ куыд зæгъынц, афтæмæй сæм цæстдард кæй æрцыди, уымæй тынг разы сты, æмæ сæ зæрдæ дарынц, дзуапдæттæг службæтæ хъуыддаг кæронмæ кæй ахæццæ кæндзысты, ууыл.
