Ног фæлладуадзæн зонæ æрбынат кодта цæугæдоны дыууæ фарс дæр. Ис 2 гектары фæзуатыл
Æрæфы районы доны былгæрæттæ аивгæнæн куыстытæ кæронмæ фесты. Ног фæлладуадзæн зонæ æрбынат кодта цæугæдоны дыууæ фарс дæр. Ис 2 гектары фæзуатыл. «Горæты æнцонвадат цард»-ы программæйы фæлгæты ам фистæгæйцæуджытæн фæзынди сæрмагонд фæндаг, ног бандæттæ, нырыккон рухсгæнæн системæ, сывæллæттæн ирхæфсæн æмæ спортивон бынæттæ. Æрæфы районы муниципалон сконды сæргълæууæг Хамыхъоты Роберт куыд фæнысан кодта, афтæмæй ацы фæлладуадзæн фæз ныридæгæн сси районы цæрджыты уарзондæр бынæттæй иу. Проекты амынд куыд ис, афтæмæй дзы сæвæрдтой видеоцæстдарды фæрæзтæ, стæй территори саив кодтой цъæхфæлыстæй. Раздæр ацы фæзуатыл æппындæр ницы уыди, рæстæгæй-рæстæгмæ дзы-иу адæм сарæзтой бырондон. Фæлладуадзæн зонæйы проектыл куыст цыди Æрæфы районы цæрджыты фæндонтæ хынцгæйæ. Проекты иумæйаг аргъ у 11 милуан сомæй фылдæр.
