Ацы ногдзинадыл фæлхасгæнджытæ сæмбæлдысты алы хъæстытимæ
6-æм июнæй фæстæмæ æрдзон газæн фиддонтæ, агентадон организациты æмæ банкты уылты исын райдыдтой уæлæмхасæн 4 процентимæ. Ацы ногдзинадыл фæлхасгæнджытæ сæмбæлдысты алы хъæстытимæ. Адæм æй не мбарынц, цæй тыххæй ма уæлдай проценттæ фидынц, уый. Не сфæлдыстадон къорд аныхас кодта тарифты регионалон службæйы специалисттимæ. Æмæ нын бæлвырддæр хабæрттæ радзурдзæн Тъехты Элинæ.
Адæм хъаст кæнынц цæрæнуæтты коммуналон лæггæдты тарифтæй. Гæджиты Аллæ куыд зæгъы, афтæмæй ма фиддонты уæлæмхасæн 4% у æгæр бирæ. Фыццаджыдæр та уый банкъардтой пенсиисджытæ.
Тарифты регионалон службæйы куыд æмбарын кæнынц, афтæмæй 4% сты агентон проценттæ. Раздæр цæрæнуæтты комуналон хадзарады лæггæдтæ банчы кæнæ посты бафидын уыд лæвар. Проценттæ хаудысты хъармæн, газæн, электрон тыхæн æмæ доны тарифтæм. Фыстой сæ ифтонггæнæн куыстуæттæ æмæ организацитæ. Ныр сын закъонмæ гæсгæ уый кæныны бар нал ис.
Банктæн, посты хайæдтæн æмæ фиддонты агентадтæн сæ бон у уыцы фæрæзтæ бахардз кæнын хъæугæ техникæйыл æмæ кусджыты мыздыл.
Коммуналон ногдзинæдтæй «Газпром межрегионгаз Владикавказ» пайда кæнын райдыдта иннæ службæтæй фæстæдæр. 6-æм июнæй фæстæмæ газы аргъ сырæзт 4%. Компанийы специалисттæ куыд зæгъынц, афтæмæй абоненттæн рагагъоммæ дзырдтой ивддзинæдты тыххæй.
Ивддзинæдтæ хаст æрцæудзысты бырæттæ ласыны аргъмæ дæр.Фæлæ уæддæр адæмæн сæ бон у уыцы 4 % ма бафидын. Зæгъæм, газ фидгæйæ ис бацархайæн мобилон уæлæмхасæн программæ «Мой газ»-æй. Проценттæ ист нæ цæуыдзысты бæстыхайы фидгæйæ дæр.
