Психологон æххуыс сывæллæттæн кæнынц æрмæст центры нæ, ис рацæугæ консультацитæ дæр
«Фыдыбæстæ Хъахъхъæнджыты» фонды куысты ахсджиагдæр къабæзтæй иу у, сæрмагонд æфсæддон операцийы бинонты уæнгтæн, уæлдайдæр та сæ сывæллæттæн психологон æххуыс кæнын. Ацы хъуыддаг æххæст кæнынц, æмбæлгæ ахуырад чи ацыд, ахæм дæсны педагогтæ-психологтæ. Æдæппæтæй фонды филиалы ахæм хуызы æххуыс бацагуырдтой 900 адæймагæй фылдæр. Бæлвырддæр радзурдзæн Хъайтмазты Дзерассæ.
Фыццаг бакастæй, хуымæтæг сфæлдыстадон хæслæвæрд. Фæлæ сæрмагондæй нывыуылты психолог Абайты Аннæйæн йæ бон у фенын, сывæллон йæхæдæг радзурынмæ цæттæ цæмæ нæу, уый. Æфсæддон операцийы архайджыты сывæллæттæн æххуыс кæнынæн, 18 азы фæлтæрддзинадимæ специалист ацыд сæрмагонд ахуырад æмæ базыдта зын уавæрты æххуысы ног методикæтæ.
Консультацитæ æххæст кæнынц психолОгон-педагогон æмæ медикон-социалон æххуысы центры специалисттæ. Архайы, æвзæр чи хъусы æмæ уыны, уыцы сывæллæтты реабилитацион-ахуырадон комплексон центры бындурыл. Куыст цæуы ныхасы, хъазæн методикæты æмæ сфæлдыстадон хæслæвæрдты уылты.
Центры æппæт специалисттæ хаст сты педагогты-психологты сæрмагонд федералон регистрмæ. Æххуысмæ æрбацæуынц ныййарджытæ дæр. Специалисттæ сын æххуыс кæнынц равзарын хъомылады æмæ ахуырады фарстатæ, дæттынц амынддзинæдтæ. Æрмæст 2025-æм азы «Фыдыбæстæ Хъахъхъæнджыты» фонды филиалы психологон æххуыс бацагуырдтой 949 адæймаджы.
Психологон æххуыс сывæллæттæн кæнынц æрмæст центры нæ, ис рацæугæ консультацитæ дæр. Специалистты ныхæстæм гæсгæ, сывæллон цы уавæртыл ахуыр у, уыдоны фæрцы æнтысы бæлвырддæр снысан кæнын риссаг фарстатæ.
