Акцийы нысан у сывæллæтты фæндаггон – транспортон фыдбылызтæй бахизын, уыимæ ахъаззаг у фæндаггон змæлды архайджытæм сæрмагонд уагæвæрдтæ ма халыны хъуыды гуырын кæнынæн
Æрвылазон акци «Фыстæг шофырмæ» сси хорз традици, куыд скъоладзаутæн, афтæ Æрæфы районы фæндæгтыл æдасæй цæуыны паддзахадон инспекцийы хайадæн дæр. Акцийы нысан у сывæллæтты фæндаггон – транспортон фыдбылызтæй бахизын, уыимæ ахъаззаг у фæндаггон змæлды архайджытæм сæрмагонд уагæвæрдтæ ма халыны хъуыды гуырын кæнынæн. Æрæфы районы паддзахадон автомобилон инспекцийы кусджытæ Цыколайы 1-æм скъолайы 5–æм къласы ахуырдзаутимæ, стæй районы фæсивæдон организаци «Фæсивæды социализацийы центр» скъолайы цур сарæзтой акци: «Фыстæг шофырмæ!» Сывæллæттæ сарæзтой ирд ахорæнтæй ахуырст ныстуантæ шофыртæм. Курæг дзы сты, цæмæй фæндаггон змæлды уагæвæрдтæ ма халой. Скъоладзаутæ сæ лæвæрдтой машинæскъæрджытæн. Паддзахадон инспекцийы кусджыты хъуыдымæ гæсгæ, сывæллæтты курдиатмæ цæстдард æрцæудзæн. Уымæн æмæ фыстæджы ныффыстой сæ зæрдæйæ цæуæг ныхæстæ. Акцийæ разыйæ баззадысты æппæт архайджытæ дæр. Ахæм мадзæлттæ фæндаггон змæлды архайджытæм гуырын кæнынц хæлар æмгуыстады гæнæнтæ. Æрæфы районы паддзахадон автоинспекцийы кусджытæ курынц адæмæй, цæмæй ма халой фæндаггон уагæвæрдтæ, хъуыды кæной сæхи æмæ иннæты цард бахъахъхъæныныл.
