Уый фæмард йæ интернационалон хæс æххæстгæнгæйæ
Æрыдоны 2-æм скъолайы байгом кодтой «Хъæбатыры партæ» ахуыргæнæдоны рауагъдон Хестанты Асланы номыл. Уый фæмард йæ интернационалон хæс æххæстгæнгæйæ. Кадджын мадзалы архайдтой æфсæддоны хиуæттæ, ахуыргæнджытæ æмæ скъоладзаутæ. 1984 азы Аслан службæ кодта Афганистаны. Уым, Аслан фæцис уæззау цæф. Уыцы сгуыхтдзинады тыххæй йын йæ амæлæты фæстæ лæвæрд æрцыдысты Сырх стъалыйы Орден æмæ «Æфсæддон-интернационалисты» майдан. Бæлвырддæр радзурдзæн Чехойты Фатимæ.
Æрыдоны дыккæгм скъолайы ахуырдзаутæн æмдзæвгæйы рæнхъытæ хуымæтæг ныхæстæ не сты, фæлæ хъуыддæгтæй фидаргонд царды нысан. Ахуыргæнæндоны кадджын уавæры байгом кодтой «Хъайтары партæ» йæ рауагъдон æфсæддон-интернационалист Хестанты Асланы номыл. Сырх лент алыг кæныны бар лæвæрд æрцыд йæ хо Зæлинæйæн.
Зæрдæхæлар æмæ хъæлдзæг лæппу, уарзта музыкæ, цагъта цалдæр инструментыл. Афтæмæй лæууы Зæлинæйы зæрдыл йе *фсымæр. Аслан 1984 азы йе *фсæддон хæс æххæст кодта Афганистаны. Зæлинæйы ныхæстæм гæсгæ, лæппу арæх æрвыста йæ хæдзармæ фыстæджытæ æмæ йæ хуызистытæ. Аслан кæм службæ кодта, уыцы æфсæддон хайадмæ знаджы къорд куы ныббырста, уæд лæппу хæстæг бахъуызыд кæцæй æхстой, уыцы бынатмæ, баппæрста йæм гранатæ, æмæ йæ афтæмæй схæцын кодта. Уæд Аслан фæцис уæззау цæф. Уыцы сгуыхтдзинады тыххæй йын йæ амæлæты фæстæ лæвæрд æрцыдысты Сырх стъалыйы Орден æмæ «Æфсæддон-интернационалисты» майдан.
Ахуырдзаутæ бацæттæ кодтой тематикон равдыстытæ, кастысты æмдзæвгæтæ. Мадзалы архайджыты раз раныхас кодта скъолайы директор. Хъайтарты сгуыхтдзинæдтæ руаджы мах цæрæм сыгъдæг арвы бын, загъта ахуыргæнæндоны разамонæг.
Скъоладзаутæ æмæ ахуыргæнджытæ дидинджытæ сæвæрдтой Хестанты Асланы номыл мемориалон фæйнæгыл. Æрыдоны районæй йæ интенационалон хæс æххæст кæнынмæ араст сты 46 адæймаджы. Ам æфсæддонтимæ баст мысинæгтæ хъахъхъæнынц цæсты гагуыйау, амонынц сæ фæлтæртæн.
Æппæтуæрæсеон проект «Хъайтары партæ» у парти «Иугонд Уæрæсе»-йы хъæппæрис. Цæгат Ирыстоны æххæстгонд цæуы алы районы дæр. Хъайтары партæйы раз бадыны бар уыдзæн ахуыры, спорты æмæ бархионты змæлды йæхи хорзæй чи равдиса, уыцы скъоладзаутæн. Афтæмæй сывæллæттæ сæ зæрдыл дардзысты Райгуырæн зæххы истори.
