Æмæ канд уый не фтауы дисы
Ног азы аргъау канд Дзæуджыхъæумæ не рбацыд. Зæгъæм, Æрыдоны бæрæгбоны кадæн байгом æнæхъæн экспозици. Æмæ канд уый не фтауы дисы. Сосранты Жаннæ радзурдзæн бæлвырддæр.
Хæсты размæйы рæстæджы Заз бæласы хъазæнтæ. Гæнæн ис æмæ сæ бакастæй нырыккон хъазæнты хуызæн хъæздыг æмæ аив не сты, фæлæ дзы алкæцыйæн дæр ис сæрмагонд истори. Уыдон дзурын куы зониккой, уæд бирæ азты хабæрттæ ракæниккой. Арыдоны истори, культурæ æмæ зоныннады музейы ахæм хъазæнтæ бирæ ис. Зæгъæн ис æмæ сæ æмбырд кодтой æппæт районæй. Иуæй-иутæ дзы ис бирæты хæдзæртты, фæлæ дзы ис, стæм чи у, ахæмтæ дæр.
Хъазæнтæй уæлдай ма музейы фенæн ис рагон открыткæтæ, уыимæ Фыдыбæстæйы Стыр хæсты быдырæй. Ахæмты фæрцы сæ хиуæттæм хæццæ кодтой Ног Азы бæрæгбоны арфæтæ. Экспозицийæн ис стыр историон ахадындзинад. Ног азы бæрæгбоны уылты адæмæн балæвар кодтой рæсугъд æнкъарæнтæ. Музейы куыд радзырдтой, афтæмæй, равдыст байгом кодтой фыццаджыдæр, сывæллæттæн. Фæлæ ныридæгæн æй бирæтæ нæ федтой.
Уæвгæ Æрыдон фæстаг къуыри йæхи ивы, цæттæ йæ кæнынц ног азы бæрæгбонмæ. Фæзынди дзы аркæтæ, фонтантæ æмæ алыхуызон композицитæ цырæгътæй.
Æртыккаг зымæг та Æрыдоны æнæбафæзмгæ аивгæнæн æрмæг сты зонтиктæ. Сæ саразыныл зынæй кæд ницы ис, уæддæр горæты Ног Азы фæлыстæн радтой ног хуыз. Аивгæнæн куыстытæ кæнынц Æрыдоны районы администрацийы кусджытæ.
Хъыгагæн, пандемийæмæ гæсгæ Ног Азы бæрæгбон Æрыдоны егъау ирхæфсæн мадзæлттæ нæ уыдзæн. Уымæ гæсгæ, уæлдай ахсджиаг у уынгты бæрæгбоны комулæфт бауадзын.
Хæмыцаты Игорь, Æрыдоны сæргълæууæг: : «Массовых гуляний скорее всего не будет, но каждый выйдет на улицу, захочет сфотографироваться с новогдней елкой, с инсталяциями. Все равно, людям приятно будет. У каждого появится состояние приближающегося праздника».
Къуырийы кæронмæ Æрыдон бæстонæй райсдзæн бæрæгбоны хуыз æмæ дзы тезгъо кæндзысты адæм, уыимæ сæ бон уыдзæн ног азы армукъæйы архайын.
