филиал вгтрк государственная телерадиовещательная компания “Алания”

Бæрæгбоны комулæфт банкъарын. Республикæйы сæргълæууæджы амындмæ гæсгæ Цæгат Ирыстоны æппæт районты хъуамæ байгом уой Цыппурсы армукъатæ. Æрыдоны районы та йæ куыст райдыдта 1-æм декабры. Сæрмагондæй уый тыххæй горæты астæу сбæлвырд кодтой территори. Амалхъом адæмæн радих кодтой ифтонггонд палаткæтæ. Уым равæрдтой алыхуызон товартæ: райдай ног азы бæрæгбоны хъазæнтæй æмæ хъæууонхæдзарадон продукцийæ фæуы. Бæрæгбонмæ цæттæ кæны Æрыдон йæхæдæг дæр. Хæстæгдæр рæстæг ам сæвæрдзысты Ног азы фидауц – заз бæлас, æмæ кусын райдайдзысты хъазæнты базартæ.