филиал вгтрк государственная телерадиовещательная компания “Алания”

Æрыдоны дарддæр æххæстгонд цæуынц Фæскомцæдисон парчы аивгæнæн куыстытæ. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Специалисттæ скодтой ног тротуартæ æмæ тезгъогæнæн фæндæгтæ, сæвæрдтой брусчаткæ, ног бандæттæ, арт-объект æмæ нырыккон рухсытæ. Сывæллæттæн ныридæгæн скодтой бирæвæрсыг хъазæн фæз æдас уæлцъаримæ, спортуарзджытæн та – уынгты тренажертæ æмæ скодтой велосипедон фæндæгтæ. Ныртæккæ кусджытæ сæвæрдтой фонтан æмæ аив кæнын парковкæйы зонæ. Куыстытæ æххæстгонд цæуынц нацпроект «Цæрæнуат æмæ горæты тыгъдад»-мæ гæсгæ. Фæнд сæ кæнынц афæдзы кæронмæ фæуын.